Sandra's Trauzüginne

Ich han nöd lang müesse überlegge wer mini 2 Trauzüginne werded si. Die zwei kenned sich unterenand au scho sitere Ewigkeit, zäme hemmer scho villes erlebt. Ich möcht mi im Vorus schomal ganz ganz herzlich bi eu beidne für eue Isatz bedanke!

Nicole De Blasi: Das isch mini Schwöster. Sie isch au sit churzem verhürated und lebt mitem Andrea in Dänikon.

Was ich a ihre so liebe? Sie isch eifach en super herzliche Mensch und strahlt ihri positivi Art vo inne us, eifach en Mensch womer muess gern ha. T'Nic isch eine vo de wichtigste Mensche i mim Läbe, chum öpert kennt mi so guet, uf sie chani mi immer 100% verlah, ich lieb sie eifach!

Kontakt: 076 331 93 41 oder nicoledeblasi@outlook.com

Carole Bolliger: Das isch sit Jahre di gueti Seel i mim Läbe, die best Fründin sit de Sek, sie isch au scho sit es über 1 Jahr verhürated und lebt mitem Musa in Oberriede.

Was ich a ihre so lieb? Wenner sie kennelerned denn wüsseders, sie isch eifach de Inbegriff vo HAPPYNESS, so Mensche wie sie triffsch nur eimal im Läbe, das isch e Fründschaft für t'Ewigkeit, mit ihre bini scho lang verhürated, sorry Fäbe :)

Kontakt: 079 744 47 64 oder ca-bo@gmx.ch

WICHTIG: Wenn ier öpis für eusi Hochzit planed (e Red, Präsentation, Spieli usw.) denn bitt ich eu gnueg früeh mit de Trauzüge Kontakt ufzneh. Sie wüssed was eusi Vorstellige vo dem Tag sind und was zum Programm passt und wänn/wie/wo. Die zwei bespreched sich natürlich au regelmässig mit de 2 Trauzüge vom Fäbe und zäme stelled sie s'Programm für de Tag uf, mier lönd eus da gern überrasche.